جمر حبك يا محبوبي دفاني
وبيدك جنت بافراحك دف آني
من اموتن لو تصير انت دفاني
اردن عدل وابره من المنية
غرامك بالكلب حافر وناقش
وصرت نيران تحركني وانا قش
اريد اكعد وياك احجي واناقش
واكلك لشوكت تقسى عليه
اسمك يا ترف بالكلب مندك
وحبك بالضلع بسمار مندك
نقالك عليّ بالليل من دك
احس بالروح هيه تدك عليه
لا روز هوت مثلي ولا جاك
ولاكرين الرفع حملي ولا جاك
شكثر تانيته يا كليبي ولا جاك
ولامرة وفه بوعدة اليه
عليك الروح نص الليل ونت
لان برغي الكلب مفتوح والنت
ادور عليك بالقاعات والنت
وينك يا حلو بس رد عليه
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنيـــه
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
هاي ابيات شعر ان شاء الله تعجبكم
اخوكم حسام
الخميس يناير 31, 2008 1:48 pm
